Ons is 'n NG Kerk

Ons gemeente is trots op ons herkoms as 'n NG Gemeente. Ons is ook opgewonde oor die toekoms van die NG Kerk, en sien dagliks hoe God deur Sy Heilige Gees mense in en deur die NG Kerk dien.

Ons wil graag sien dat die NG Kerk aanhou groei, en is opgewonde om God se vingerafdrukke in die toekoms in al ons land, asook Namibië se gemeentes te sien.

Kerkraad

Die leierskap van die gemeente funksioneer in die vorm van 'n kerkraad, met 'n voorsitter en ondervoorsitter. Die gemeente het ook 'n dagbestuur.

Finansies

As deel van die gemeente se volgehoue roeping om goeie rentmeesters van ons finansies te wees het ons 'n voltydse komisie vir hierdie taak.

Sinodes

Die gemeente is deel van die Goudland Sinode, waar ons dien en leef. Hierdie Sinode bevat 136 gemeentes en is ingedeel in 16 ringe. Ons gemeente is deel van die Ring van Roodepoort.