Sondag 1 November 2020 - Die vrug van die Gees is geduld

Wat beteken dit om geduld uit te leef?

Daar is min dinge in die lewe wat ons so fokus soos om te bid. Wanneer ons gedagtes wegraak is dit gebed wat fokus gee. Om nie deur die wereld saamgesleep te word nie, beteken dat ons gereeld moet bid. Ons moet stil raak.

Mag jy vandag bid, en stilraak.

Vat dinge stadig.

Jy kan hierdie gebed bid: "Here, eintlik het ek geen idee hoe om stil te raak nie. Ek glo egter dat U my altyd liefhet. Help my om my fokus te vind. Help my om stil te raak. Help my om geduld te vind.:

---

Flow:

Vandag wil ek sien dat julle elkeen besig is om te beweeg volgens die ritme van DC Talk, 'n baie ou band uit die 90's. Hul boodskap in hierdie lied is daar om die vloei in jou lewe te sit.

Is ook daar om jou te fokus. Ek hoop jy vind jou fokus in hierdie lied. Ek doen altyd. Dit herinner my aan God se genade.

---

Ek en jy het as mense die kapasiteit om ons lewens uit te stort voor die God van hemel en aarde. Dis waaroor die lied gaan.

Wanneer hy sing dat "confession is the road to healing", dan gaan dit daaroor dat ons net genees kan word wanneer ons bereid is om te deel wat in ons lewens besig is om te gebeur.

Know:

Om te kan fokus is nodig om enige iets suksesvol aan te pak. Fokus is egter net 'n klein deeltjie van dit wat nodig is om suksesvol te wees in enige iets wat ons aanpak. Ons moet ook bereid wees om dieper te delf in die tema van vandag se ontmoeting: geduld.

Fokus en geduld loop saam. Die een bou op die ander een. Wanneer ons dink aan geduld, dink ons aan Job. Maar wie was Job? Kyk hierdie video en vind uit:

---

Grow:

Om in geduld te groei vra van elkeen van ons te groei in ons prentjie van wie God is. Ons elkeen se verhouding met God is konstant besig om te ontwikkel, en daarom is dit belangrik dat ons elkeen die vrae oor die lewe vra wat Job ook gevra het.

Hierdie vrae help ons om geestelik te groei. Dit maak ons meer mens, en gee ons meer fokus.

---

Go!

Gaan skryf die dinge neer wat jou al geduldig gemaak het. Wat is daar wat jou help om te fokus, en hoe kan daardie fokus help om ander weer te help?

---