Vry om te fokus

Dis nie die maklikste van temas nie. Vry om te fokus? Hoe? Ons is dan 'n grendel staat. Ons kan nie vry wees nie.

Die waarheid is egter dat net omdat ons bewegings beperk is, ons nie noodwendig sonder vryheid is nie.

Vandag se teks staan stil by daardie gedagte, maar eers kan ons 'n lied saam sing.

Vriende en gemeentelede, genade van God ons Vader, en die Here Jesus Christus deur die kragtige werking van Sy Heilige Gees.

Vandag is moedersdag, en ons wil sommer nou al dankie sê aan al die ma's en vrouens wat ons lewens se pragtig verhelder.

​Hier is die afkondigings vir vanoggend, asook die verjaarsdae vir die week:

Kom ons bid nou saam dat God Sy Woord vir ons sal oopbreek:

"Here, hoe wonderlik is dit nie om te weet dat ons U Woord kan oopbreek saam met miljoene ander mense vandag. Hoe wonderlik is U liefde en U trou nie deur die eeue heen nie.

Amen."

Die King James weergawe van die bybel som die eerste twee verse van hierdie teks anders op. Dit sê: "And put a knive to thy throat if thou be a man given to appetite..."

Klink gevaarlik, maar dit probeer sê beheer jouself, tot so 'n mate dat dit waarmee jy besig is jou lewe kan neem. Die teks gaan verder om te sê dat elkeen van ons moet weet watter uitdaging dit is om reg te lewe. Dit sê ons moenie ons waardes verloor nie.

Waarom verloor ons soms ons waardes? Waarom vergeet ons van die erns van dit wat ons glo, so vinnig?

Dis omdat ons sukkel om die vryheid wat God ons gee werklik te verstaan en waardeer.

Michael Hyatt het 'n boek geskryf met die titel "Free to Focus". Dit gaan oor waarlik vry wees. Hierin noem hy drie frases wat ons kan help om waarlik vry te wees. Ons vind die beginsels van hierdie frases ook in die teks wat ons nou saam gelees het.

1. Stop - Moenie net aangaan soos jy aangaan nie, Dink aan waarmee jy besig is. Dis presies wat die skrywer van hierdie teks ook probeer kommunikeer. Die Engelse vertaling verwys na "consider". Dis dieselfde woord waarna ons laas week in Haggai gekyk het.

Duidelik wil God hê dat ons moet dink oor waarmee ons besig is.

2 Sny - Dit weg wat in jou lewe is wat nie help om jou volle potensiaal te laat bereik nie. Die doelwit van die boek Spreuke is om jou te herinner dat sekere gedrag hoort by kinders van God en wys is, en ander nie.

3 Doen - Die dinge wat jou lewe vol maak en jou vryheid gee om werklik te fokus.

​Amen!

Ontvang dan nou God se seën en lewe met die vryheid wat Sy liefde gee, gefokus op die waardes wat jou laat waarlik leef.

​Amen!