Sug, stil, Stom... (Sondag 26 Desember 2021)

Wie preek?

Gerrit Visser

Inleiding:

​Wonderbaarlike maniere
 
In die Bybel vind ons op verskillende plekke dat God intree in mense se lewens op wonderbaarlike maniere. Daardie frase: Wonderbaarlike maniere. Wat beteken dit in elk geval? God tree in op wonderbaarlike maniere. Dit beteken dat iets gebeur wat anders is as wat die mens, of dan mense, se verwagting is. Die uitslag laat dan die mense verstom, stil, of besig om te sug...
 
Vandag se tema gaan juis daaroor. Dit gaan oor die oomblikke van sug, stil-wees, en stom wees. En dit alles in die verhaal van dit wat kort voor Jesus se geboorte afgespeel het.
 
Maar eers kan ons saam stil raak by die Here.

​Gebed:

​Here, gee ons vandag genoeg genade om te mag sug, om te mag stil wees, en om stom te staan oor dit wat U in 2021 gedoen het, maar ook dit wat ons weet U gaan doen in 2022.
 
Amen.

​Votum:

​In die stilte het ek na U gesoek, maar myself gevind. Wanneer ek gesug het van verligting was U hand op my skouer, wanneer ek gesug het van hartseer en angs, was U hand op my skouer. Stomgeslaan was ek oor U liefde, mag ek dit weer wees in 2022.

​Seëngroet:

​Genade vir U en vrede, van God ons Vader, en die Here Jesus, deur die kragtige werking van Sy Heilige Gees, Amen.

​Skriflesing:

DIE GEBOORTE VAN JOHANNES DIE DOPER WORD AANGEKONDIG
Lukas 1:5-25
 
5 In die tyd van koning Herodes van Judea was daar 'n priester met die naam Sagaria, uit die diensgroep van Abia. Ook sy vrou het van Aäron afgestam, en haar naam was Elisabet. 6 Hulle was albei getrou aan die wet van God en het onberispelik al die gebooie en voorskrifte van die Here onderhou. 7 Hulle het geen kind gehad nie, omdat Elisabet onvrugbaar was. Buitendien was albei reeds op ver gevorderde leeftyd.
 
 
8 Op 'n keer toe Sagaria in die beurt van sy diensgroep besig was om die priesterdiens voor God te verrig,  9 is hy volgens die priesterlike gebruik deur die lot aangewys om in die tempel van die Here in te gaan en die wierook op die altaar te brand. 10 Terwyl die wierookoffer gebring is, was die hele volksmenigte buite besig om te bid. 11 Toe verskyn daar aan die regterkant van die wierookaltaar 'n engel van die Here aan hom. 12 Sagaria het geskrik toe hy hom daar sien staan en hy het baie bang geword, 13 maar die engel sê vir hom: “Moenie bang wees nie, Sagaria, want jou gebed is verhoor. Jou vrou, Elisabet, sal aan jou 'n seun skenk, en jy moet hom Johannes noem. 14 Hy sal 'n bron van blydskap en vreugde vir jou wees, en baie sal bly wees oor sy geboorte, 15 want hy sal groot wees in die oë van die Here. Wyn en bier sal hy glad nie drink nie, en reeds van sy geboorte af sal hy met die Heilige Gees vervul wees. 16 Hy sal baie uit die volk Israel laat terugkeer tot die Here hulle God. 17 En hy sal voor die Here uit gaan in dieselfde gees en krag as Elia, om vaders en kinders met mekaar te versoen, om ongehoorsames op die regte pad terug te bring en om so vir die koms van die Here 'n volk voor te berei.”
 
 
18 Toe sê Sagaria vir die engel: “Waaraan sal ek dit weet? Ek is 'n ou man, en my vrou is al op ver gevorderde leeftyd.”
 
 
19 Die engel antwoord hom: “Ek is Gabriël, wat in diens van God staan. Ek is gestuur om met jou te praat en hierdie goeie tyding vir jou te bring. 20 Kyk, jy sal stom wees en nie kan praat nie tot op die dag dat hierdie dinge gebeur, omdat jy my woorde, wat op die bestemde tyd vervul sal word, nie geglo het nie.”
 
 
21 Intussen het die volk vir Sagaria gestaan en wag en begin wonder waarom hy so lank in die tempel bly. 22 Toe hy uitkom, kon hy nie met hulle praat nie. Hulle kom toe agter dat hy in die tempel 'n gesig gesien het. Hy het net aanhoudend vir hulle beduie en stom gebly. 23 Toe die tyd van sy tempeldiens om was, het hy huis toe gegaan.
 
24 Na daardie tyd het sy vrou Elisabet swanger geword en haar vyf maande lank afgesonder. Sy het gesê: 25 “Die Here het dit vir my gedoen. Nou het Hy na my omgesien om my smaad onder die mense weg te neem.”

Prediking: