 Inleidend:Vir die volgende drie weke se eredienste het ons my pa se voormalige werkswinkel in ‘n kunsgallery verander, en daarom is hierdie eredienste meer kleurvol as jy dit kyk op Youtube. Hier is die skakel om dit te kyk.
Votum en Seëngroet: Die Woord van die Here kom vanoggend na ons uit Maleagi 4:2: 2“Maar die Son van Geregtigheid, met genesing in sy vlerke, sal opkom vir julle wat eerbied en respek vir My het. Julle sal uitgaan en vrolik rondspring soos kalwers wat uit die kraal kom.” Ons kan weet dat God ons roep om elkeen te leef as mense wat genees is. Mense wat die kuns van dans in die reën verstaan – Mense wat respek het ook vir Hom. Amen. Afkondigings:Hier is ‘n paar afkondigings wat belangrik is om van kennis te neem: Welkom aan Thinus Smuts wat verkies tot die kerkraad. Sy naam was per abuis nie laas week deurgegee nie. Die volgende lidmate verjaar hierdie week: 7. Susie Ferreira 083 731 4780 Stephanus Lantze ----------------- Jan Pieterse 076 452 5080 Lucy Swanepoel 011 763 1675 Niel van Eeden ----------------- Jacques van Schalkwyk 011 762 8614 9 Sanet Botha 084 504 3984 10 Delene du Toit ---------------- Christie Jenner 011 763 2071 Kobus Opperman 073 610 9943 11 Dean Bornman ---------------- Phillip Greyling ----------------- Janine Shields 082 554 6934 Joey Thoresson 079 122 7536 12 Anton Prinsloo 082 900 6259 Corrie vd Merwe 076 780 1737 13 Caren Smit 011 763 1675 Christo Venter 084 840 1456 Entrepreneurs: Ons gaan ons gemeente se tuisblad inpas om die entrepreneurs van ons gemeente te help. Indien jy ‘n entrepreneur is, en jou produkte wil bemark aanlyn, is meer as welkom om te kyk by www.nghorison.com se tuisblad om meer te leer oor hoe jy dit kan doen. Onthou dat u melk direk by Danie Greyling kan bestel vir aflewering. Barmhartigheid: Indien u betrokke wil raak by die gee van kospakkies kan u vir Andries Nel kontak. Sy kontakbesonderhede is op ons webtuiste, of u kan ook die kerkkantoor kontak. As gemeente is ons ook bewus dat daar dalk meer gesinne is wat finansiële uitdagings gaan beleef in hierdie tyd. Ons kan ook help met gedeeltelike kospakkies sodat jy jou finansies kan gebruik om dit te betaal wat die gemeente nie vir jou kan doen nie. Indien jy gedurende die tyd by die huis u kas opgeruim het, kan u die klere wat u nie meer soek nie na die kerkkantoor bring op Dinsdae of Donderdae tussen 09:00 en 12:00. Maskers vir skole: Alhoewel die regering alle skole van die nodige PPE (personal protective equipment) moet verskaf wanneer skole heropen, kan ons as gemeente help deur seker te maak dat daar genoeg maskers by skole is vir die dae wat kinders hul maskers verloor of vir die kinders wat nie dalk nie kry nie. U kan ‘n masker maak deur op ons webtuiste te kyk na ‘n basiese ontwerp. Loflied:Loof die Here uit die hemel, loof Hom deur wie ons bestaan; loof Hom eng'le, hemelwesens, loof Hom son en prys Hom maan. Kom en loof Hom, kom en prys Hom, kom en loof die Heer se Naam! Loof die Here alle volke, loof Hom alles wat bestaan; loof Hom weerlig, sneeu en wolke, loof Hom meer en oseaan. Kom en loof Hom, kom en prys Hom, kom en loof die Heer se Naam! Skriflesing:2 Wees my genadig, o God, wees my genadig! Ek soek skuiling by U. In die skaduwee van u vlerke sal ek skuil totdat die onheil verby is. 3 Ek roep tot God die Allerhoogste, tot God wat gereed is om te help. 4 Uit die hemel antwoord Hy en red my; hulle wat my wil vernietig, sal Hy verneder. Sela God sal sy trou en waarheid stuur. 5 Ek is omring deur leeus, tussen bloeddorstige mense wat my wil verskeur. Hulle tande is soos spiese en pyle, hulle tonge so skerp soos swaarde. 6 O God, mag U geprys word ver bokant die hemele, en u heerlikheid besing word oor die hele aarde. 7 Hulle het vir my voete ’n lokval gestel. Ek voel terneergedruk. Hulle het ’n gat voor my gegrawe, maar het self daarin geval. Sela 8 Ek vertrou geheel en al op U. Op U, o God, vertrou ek onwrikbaar. Ek wil lofliedere sing. 9 “Word vroeg wakker!” sê ek. “Harp en lier, word wakker!” Ek wil die dagbreek wakker maak! 10 Voor die volke wil ek U prys, Here, tussen die nasies wil ek u lof besing. 11 Want u trou is hoër as die hemele, u waarheid reik tot in die wolke. 12 Mag U verhewe wees tot bo die hemele, o God, en u heerlikheid erken word oor die hele aarde. Prediking:Let op hoe wonderlik Dawid se gedagtes verder reis as sy oënskynlike slegte situasie. Dinge lyk vir hom sleg, maar tog is dit nie. Dinge lyk erg, maar hy weet God is in beheer. Wat aanleiding gee tot die skryf van hierdie Psalm is Dawid wat vervolg word deur Saul. Saul is op daardie stadium nog koning van Israel, maar God het reeds vir Dawid laat salf as die nuwe koning. Saul wil vir Dawid vermoor en daarom voer hulle ‘n oorlog teen mekaar. Dawid kruip op hierdie stadium weg in ‘n grot sodat Saul hom nie moet vermoor nie. Dis toe dat hy hierdie pragtige Psalm skryf. Kyk na hoe hy besig is om as’t ware deur die hemele te reik na dit wat bo is. Sy liggaam is in ‘n grot, maar sy hart en gedagtes is nie. Sy hart en gedagtes reik verder as die duisternis van die grot na die hemele. Omdat hy die hemele aanskou, kan hy getuig sê die daaropvolgende verse. Hy kan God se Naam prys omdat God aan Hom groot wonders gedoen het. Ek en jy kies vandag om in die duisternis te bly, of om dit te verlaat. Ons hoef nie in die duisternis te wees nie. Ons kan kies om die duisternis te verlaat. Kies dit vandag saam met Dawid, en saam met miljoene gelowiges regdeur die wêreld. George Herbert het gesê: "Hy wat in hoop lewe, dans sonder musiek". Gaan leef so hierdie week. Amen. Offergawes:Dankie aan almal in die gemeente en gemeenskap wat so onbaatsigtig die Koninkryk dien met hul offergawes. 
0 Comments
Leave a Reply. |
Elke Sondag se boodskap hierElke Sondag preek iemand anders. Soms Gerrit, soms Anuschka, en soms Gerhard. Archives
May 2021
Categories |
RSS Feed