Sondag 18 Oktober

10/17/2020

Twee weke gelede het ons begin met ons nege weke reeks oor die vrug van die Gees. Vandag gaan ons voort daarmee, en gaan ons fokus op vreugde. Laas keer het ons gefous op liefde en veral op selfliefde. Indien jy dit nog nie met jou kinders bespreek het nie, gaan kyk gerus daarna op hierdie blog.

Kinders sukkel om die verskil tussen vreugde en plesier te verstaan. Ons as ouers moet dit vir hulle leer deur te wys wat vreugde is. Plesier is om rugby te kyk of iets lekker te doen. Vreugde is om dit te kan deel met mense vir wie jy omgee.

Om kinders te leer wat vreugde is, gaan van jou as ouer baie opoffering vra. Dis my gebed dat God jou daarin sal help.

In hierdie pragtige video word verduidelik wat die verskil tussen vreugde en plesier is.

Die Bybel is vol van wonderlike waarhede oor God, veral dat God ons altyd vashou en vir ons Sy vreugde gee.

In hierdie pragtige poppekas sien ons wat gebeur as ons met vreugde leef.

Ons gaan volgende week verder met die vrug van die Gees deur te kyk na die volgende vrug van die Gees. Dit is vrede.

Here, help ons asb om as gesin en mense van God u vreugde te beleef in alles wat ons aanpak.

Amen.