6 Februarie 2022 (Kinderkerk blog)

Ons wil graag met al die ontmoetings ouers en kinders bymekaar bring, asook die gemeentelid wat die kinders met die ontmoeting bedien.

Die doelwit is vir jou om dieper te groei met jou kind.

Die doelwit van vandag se ontmoeting is vir die kinders om meer te leer oor hoe God vir die mens leer om verantwoordelik te wees vir alles wat Hy gemaak het. Geniet die les.

​Onthou dat daar 'n kort "questionaire" is aan die einde van elke ontmoeting. Elke ouer en kind wat dit saam voltooi kry 'n ster op 'n kaart. Indien jy 15 sterre vir die jaar bymekaar gemaak het, bederf ons jou kind met 'n boekprys aan die einde van die jaar.

Vandag se tema: Hoe gemaak met woede?

Kinders sukkel soms met woede. Dis een van die kragtigste emosies wat kinders moet leer om te verken. Dit was ook 'n uitdagibng vir Abel se broer, Kain.

Kyk die storie:

Die verhaal is een van die totale tragedie, maar dit leer ons dat woede kan lei tot groot sonde. So hoe kan iemand sy of haar kinders leer om weer te leef met hierdie kragtige emosie?

En vaders, moenie julle kinders so behandel dat hulle opstandig word nie, maar maak hulle groot met tug en vermaning soos die Here dit wil.
​
EFESIËRS 6:4 AFR83

https://bible.com/bible/6/eph.6.4.AFR83

So wat doen ons met hierdie kragtige emosie? As ouers is ons eerste plig om 'n konteks te skep vir ons kinders waar hul woede nie ander laat struikel nie.​

Wees pro-aktief met woede. Ouers wat hul kinders ken, verstaan wat hulle kwaad maak. Ouers wat dit verstaan, help hulle om hul volle potensiaal te bereik.

Doen hierdie saam: Aktiwiteite wat kan help om te verstaan hoe jou kind woede beleef:

Albei hierdie prentjies het iets met mekaar in gemeen. Dit beeld vir Kain en Abel uit, maar albei is ook besig om te wys watter aspekte van die kind se lewe vir hul spesiaal is.

Die kleur prent kan gebruik word om te kyk wat dit is wat die kind spesiaal maak. Een van die grootste redes vir woede onder kinders is jaloesie. 'n Fokus op wat kinders spesiaal maak help hulle om te verstaan dat hulle nie woedend hoef te wees nie. Dit kan lei tot 'n lewe van maatjies of broers en susters wat mekaar se sukses vier.

Kain kon nie Abel se sukses vier nie, en daarom raak hy woedend.

En dis waarmee prentjie twee help. Dit help ons om te verstaan dat hoe ons kyk na onsself belangrik is vir 'n lewe van vreugde.