Uitnemendheid moet 'n plan hê!

"Hy was nie 'n slegte leier oor hy slegte besluite geneem het nie. Hy was 'n slegte leier oor hy geen besluite kon neem nie" - Aanhaling uit Band of Brothers

Indien jy nog nooit Band of Brothers gekyk het nie, kliek hier vir 'n minuut video wat iets deel van Easy Company se verhaal. Hierdie manne was op D-Dag gedurende die tweede wêreldoorlog met valskerms afgestuur in Frankryk.

In die agt episode mini-reeks vertel bekende akteur en regiseur Tom Hanks hul verhaal. Daar is baie te leer oor leierskap in die film. Die aanhaling waarmee hierdie blog begin kom uit die film, en verwys na een van die leiers wat nooit erens te vind was wanneer daar geskiet word op die manne nie.

'n Swak leier omdat hy geen besluite neem nie, maar wag, kyk eers die video:

Die kerk kan baie leer by die manier wat Easy Cmpany geleef het. Die bybel leer dat ons vir mekaar moet veg.

Nehemia was iemand wat dit gedoen het. Sy plan om Jerusalem se mure te herstel en vir ander infrastruktuur te gee was nie perfek nie, maar dit was 'n plan.

Om maarnet gemeente te wees in die toekoms beteken vir my niks nie. Nie as 'n lidmaat nie, en verseker nie as 'n leraar nie. Ons moet 'n plan hê, en indien daardie plan nie werk nie, moet ons grootmoedig genoeg wees om weer te besin daaroor, maar om geen plan te hê nie is fataal.

In hierdie gemeente fokus ons op uitnemendheid in 2019. Dit beteken dat ons deur die goeie verhoudings wat ons met mekaar het probeer om almal te ondersteun om God in sy of haar lewe te vind.

DIT is ons roeping.

Kom wees deel daarvan!