Uitnemendheid in Deel 8 - Wanneer niemand kyk nie

Hoe om in uitnemendheid te leef wanneer niemand kyk nie.

Hierdie onderwerp is so belangrik dat ek seker is iemand anders kan meer daaroor skryf as ek, maar omdat uitdagings altyd daar is om te oorkom, hier gaan ons.

Die vraag oor uitnemendheid wanneer niemand kyk nie is 'n fundamentele vraag oor karakter. Wanneer ons vrae hoe om in uitnemendheid te leef wanneer niemand kyk nie, neem ons aan dit sal dieselfde wees wanneer almal kyk, dit wil sê: Die manier wat ek optree en leef voor ander is dieselfde as wanneer ek nie by hulle is nie.

In my denke oor hierdie saak het ek besef dat ons by die verkeerde plek begin, want ALMAL van ons is anders in verskillende geselskap, en ALMAL van ons verskil wanneer dit kom by 'n definisie van optrede in uitnemendheid. Vir die een is die lewe in uitnemendheid om met 'n pak klere kerk by te woon, maar nie vir 'n ander nie. Dus... moet ons eerder nie hier begin nie.

Ons moet eerder begin by basiese take in uitnemendheid wanneer niemand kyk nie.

Omdat die taak van 'n skrywer is om mense prakties uit te daag, gaan hierdie skrywer nou sommer ook prakties raak:

1. Was die skottelgoed. As jy bereid is om die skottelgoed te was voor ander (dit geld vir kollekte in bordjies goei ens ook), moet jy dit ook doen as niemand by die huis is nie.

2. As jy nie vloek by die kerk nie, moet ook nie vloek in die verkeer nie.

3. As jy getuig van God se genade vir jou vriende by die kerk, moet jy ook sensitief wees om dit by die werk te doen.


Al drie hierdie voorbeelde bring ons terug na die lewe en sterwe van Jesus. Hy gee vir ons drie riglyne om seker te maak ons leef in uitnemendheid wanneer niemand sien nie:.

1. Jesus sê: "Jou een hand moenie weet wat doen jou ander hand nie..." Vergeet wat jy vir mense gedoen het die oomblik wanneer dit verby is. Hoekom? Wel, die antwoord is hoogmoed. Ons kan baie vinnig te veel onthou van wat ons vir God gedoen het. Die lewe in uitnemendheid soek geleenthede om te help, net sodat jy dit kan vergeet.

Jy moet ook uitgedaag wees om seker te maak jy dien ander waar jou vriende en ander wat jou ken geen idee het van wat jy doen nie. Ook dit is uitnemendheid wanneer niemand kyk nie.

2. Jesus noem die Fariseërs per geleentheid huigelaars. Die rede is omdat dit wat hul gedrag verskil van plek tot plek. Nie op die manier wat ek aangeraak het aan die begin van die blog nie. Hulle probeer eerder mense wees wat hulle nie is nie. My optrede verskil ook van plek tot plek. Jesus se probleem met hulle is dat hulle voorgee. Mense wat voorgee, kan nie leiers in die kerk wees nie. Die lewe van uitnemendheid vra dat jy in jou binnekamer stilraak oor wie jy werklik is.

Ek sien uit daarna om jul gevolgtrekkings oor hierdie skrywe te lees. Onthou, jy is tot alles in staat deur Christus wat jou die krag gee!

​Gerrit