'n Lewe van uitnemendheid - deel 1 - Kommunikasie!

In 2019 vier ons gemeente die jaar van uitnemendheid. Dis gebaseer op die boek in bybel getiteld Nehemia. Alle bybelstudies by vergaderings word gelei vanuit hierdie boek.

Terwyl Nehemia in Babilon was (dis nie waar hy oorspronlik vanaf kom nie - sy voorsate was van Jerusalem, die stad van God af) hoor hy dat Jerusalem, die stad waarvoor hy so lief is, verwoes is. Dit breek sy hart so baie dat hy by die koning van Babilon toestemming kry om die stad te gaan herstel.

Hy maak toe ook so. Die hele verhaal is een wat getuig van deursettingsvermoe, dienende leierskap en 'n gebedslewe wat skrik vir niks.

Dit het ook beteken dat Nehemia moes effektief kommunikeer met almal rondom hom. Sonder effektiewe kommunikasie kon hy nie sy volgelinge in uitnemendheid lei nie.

By hierdie gemeente doen ons dinge in uitnemendheid, maar wat beteken dit om uitnemendheid te kommunikeer?

1. Dit beteken dat jy meer luister as praat. Goeie luisteraars kan in uitnemendheid praat, want hulle het al die feite. Dus, moet jy luister.

2. 'n Oop tent benadering beteken dat almal welkom is om insette te gee. Dis ook wat Nehemia doen.

Die vraag is of jy 'n ooptent benadering het? As jy het, en mense voel werklik welkom by jou, kan jy kommunikeer in uitnemendheid.

Hoe lyk jou kommunikasie met mense vandag? Is dit gemiddeld, bo-gemiddeld, of in uitnemendheid?