'n Cupcake is 'n kolwyntjie, of is dit?

Daar is min dinge so lekker soos uitreik in die gemeenskap, en so paar weke terug het ons gemeente presies so gemaak.

Dit was 'n Sondag, 'n pragtige Sondag. Dit was na kerk. Die gemeente het almal cupcakes, ek bedoel kolwyntjies, gebring en saam geëet na erediens.

Toe begin die groot pret. Tien van ons het die res van die cupcakes, ek bedoel kolwyntjies, bymekaar gemaak in skinkborde en die strate ingevaar om dit aan oënskynlik onbekendes te gee. Ons boodskap was eenvoudig: God is lief vir jou, geniet jou dag. Hier's 'n cupcake, ek bedoel 'n kolwyntjie.

Baie mense hou nie van uitreik nie. Hulle dink aan moeilike bybelverse verduidelik en veraf lande waar jy dalk vermoor kan word vir jou geloof. Die realiteit is dat daardie uitreike belangrik is. Baie belangrik.

Die ander realiteit is dat daardie uitreike sommige mense bietjie bang maak.

Daarom het ons gemeente dit eenvoudig gemaak. Ons deel cupcakes uit 'n paar maal per jaar na kerk.

Ek het nog nooit 'n cupcake geëet en nie spesiaal gevoel nie. Regtig. Dis net lieflik, en almal vir wie ons cupcakes gegee het, het dieselfde gevoel.

Ek weet, die realiteit is dat dit net vir 'n oomblik 'n verskil gemaak het. Baie spesiale oomblikke maak dat ons almal meer gelukkig is, en dis ook wonderlik.

My gebed is dat jy sal aanhou om 'm verskil te maak deur 'n klomp klein uitreike. Die gemeenskap sien-uit daarna.

En onthou, 'n cupcake is 'n kolwyntjie, of is dit nou 'n Hertzoggie.