Garage Kerk - 30.08.2018 - Elkeen het 'n filosofie

Elkeen van ons het 'n sekere filosofie waarvolgens leef. Dit is meeste van die tyd die somtotaal van ons ervarings as kind en in die stadium waartydens ons ons eie opinies oor die lewe kan vorm.

​Laasgenoemde is ook as gevolg van ervarings.

In die bybelse tyd was dit niks anders nie. Mense het ook maar soms hul eie filosofië gehad - ook die kerk van die Nuwe Testament is nie oorgeslaan nie.

Vandag se kerk is ook nie oorgeslaan met hierdie filosofië nie.

In Handelinge 17 word daar verwys na filosofië van die antieke tyd wat 'n draai maak in die gedagtes van gemeentes.

Een van daardie was Epicurus se filosofie. Hy was 'n Griek wat lank voor die tyd van Jesus geleef het. Volgens hom was daar net drie beginsels vir die lekker lewe.

1. Vriendskappe. Epicurus was nie 'n groot voorstander van byvoorbeeld die huwelik nie (dalk sou hy en Paulus 'n glas wyn oor die onderwerp kon drink). Ek is natuurlik 'n groot aanhanger daarvan.

Die punt wat hy egter wou maak is dat ons te min belê in vriendskappe en te veel van die huwelik verwag, en daarom soms ongelukkig is in huwelike.

---

2. Voedsel. Die tweede aspek gaan daaroor dat ons goed moet eet, en nie bekommerd moet wees oor materiële dinge nie.

Hierdie idee is ook in die bybel. In 1 Kor 15 sê Paulus "laat ons dan eet en drink want more vergaan ons".

---

3. Refleksie oor die lewe. Hier staan hy saam met 'n reeks ander filosowe van die eeue wat sê dat ons gereeld ons lewe moet evalueer. Hierdie aspek was vir Epicurus so belangrik dat hy en sy vriende as armes gaan woon het op die platteland.

---

Epicurus se filosofie was so lewensveranderend dat meer as 400 gemeenskappe ontstaan het waarin vriende rustig leef, weg van die stede se gejaagdheid, lekker kos eet (alhoewel dit meestal kaas en brood was), en nadink oor hul lewens.

Baie van hierdie gemeenskappe het later, lank na Jesus se dood, kloosters geword. Dus het Epicurus 'n groot impak op die Christendom gehad, en ook op Paulus se teologie.

Wat is jou filosofie oor die lewe? En dan my vraag, is dit hoe jy graag wil leef en ander hanteer, of hoe jy wil hê ander moet leef en jou hanteer?

En dan my uitdaging vir jou - Is jou filosofie vir die lewe in lyn met wat die Bybel leer, of is jy bloot die somtotaal van jou opvoeding en ervarings as jongmens?