Welkom by vandag se erediens. Hierdie bladsy bevat elke week die verskillende opsies waardeur jy die erediens kan beleef.

Mag jy weet dat God met jou is, en dat Hy jou baie lief het.

- Gerrit Visser (leraar - NG Horison)

Maniere wat jy kan deel wees van vandag se erediens:

Lewendige Uitsending:

Daar is vandag verskeie lewendige uitsendings via Gerrit en die gemeente se Facebook kanale.

Jy om 08:00 sowel as 09:15 kyk na die erediens via een van die kanale. Die erediens word deur albei uitgesaai.

Opgeneemde video's:

Daar is vandag twee jeugboodskappe om na te kyk. Dit is vir die kinders en die tieners.

Die praktiese ontmoetings met aktiwiteite en ekstra video's is beskikbaar op die kinderkerk en tienerkerk se blogs. Dis baie eenvoudig en ouers en kinders kan dit saam doen, of tieners op hul eie.
Daar is ook 'n opname van elke Sondag se erediens reeds voor die erediens beskikbaar. Dis onder op hierdie bladsy.

Lees die preek:

Jy kan ook elke week se preek lees, deur hier te kliek.

​Om 'n preek te lees is baie belangrik, want jy lees weer sekere dinge raak wat jy dalk vroeër gemis het terwyl jy daarna geluister het.

Eredienste by die gemeente se gebou

Vandag is daar twee erediens geleenthede by die kerk se gebou. Dit is om 08:00 en 09:15.

​Gerrit Visser lei die eredienste.

Afkondigings:

Jy kan ons weeklikse afkondigings lees, deur op die blokkie hieronder te kliek:

Hoofgebou erediens

Wat soek jy uit 2022? God weet waarna jy smag, maar weet jy waarna jy eintlik smag?

Hierdie vraag word in vandag se erediens gevra.

Kinderkerk

Aan die begin van 2022 staan ons stil by die skepping. Vandag se video is deel 1 van 3 weke wat ons oor die skepping gesels met ons kinders.

Hy het alles geskape, ook die kinders.

Jy kan ook op ons Nuwe Generasie se kinderkerk blog gaan kyk na 'n volledige blog met 'n ontmoeting vir ouer en kind van vandag se tema oor die skepping.

Tienerkerk

Daar word baie gepraat oor evolusie en die skepping.

Wat beteken dit dat ons glo God het die aarde in ses dae gemaak? Waarom is daar meer as een skeppingsverhaal in Genesis? Het jy geweet daar is nog ander skeppingsverhale in die Bybel?

Jy kan ook na vandag se blog gaan kyk met meer informasie en ander video's. Dis by ons Nuwe Generasie bladsy op hierdie webtuiste.
Proudly powered by Weebly